Әйелдер футболы бөлімінің жаңа директоры тағайындалды

АСТАНА. Қыркүйектің 2-сі. ҚазАқпарат /Ернұр Ақанбай/ - Қазақстан Футбол федерациясы Әйелдер футболы бөлімінің директоры болып Нұржан Доскеев тағайындалды,

 деп хабарлайды ҚазАқпарат аталмыш федерацияға сілтеме жасап.

Федерацияның мәліметінше, Н. Доскеев бұған дейін Футзал және жағажай футболы департаменті директорының орынбасары қызметін атқарған. Ал, Әйелдер футболы бөлімінің бұрынғы басшысы Владимир Бодагов Ұлттық футбол лигасына бұқаралық футбол жөніндегі маман ретінде ауыстырылған.