Әйелдердің 4-ші Еуразиялық саммитіне Г.Әбдіқалықова мен Д.Назарбаева қатысады

АСТАНА. ҚазАқпарат - Ертең елордада Әйелдердің 4-ші Еуразиялық саммиті өз жұмысын бастайды. Бұл туралы бүгін ҚР Президенті жанындағы Орталық коммуникациялар қызметіндегі брифингте Қазақстан Іскер әйелдері қауымдастығының президенті Раушан Сәрсембаева айтты.
None
None

«Біз бұл саммитті төртінші рет өткізетін боламыз. Ол әйелдерің экономикаға үлесі мен интеграция мәселелеріне арналады. Бұл мәселе әсіресе, еліміздің Дүниежүзілік сауда ұйымына кіруі қарсаңында барынша маңызды. Мұнан бөлек, «ЭКСПО-2017» халықаралық көрмесіне әйелдердің қатысуы да сөз болады», - деді ол. Оның атап өтуінше, саммит жұмысына ҚР Мемлекеттік хатшысы, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Гүлшара Әбдіқалықова, ҚР Премьер-Министрінің орынбасары Дариға Назарбаева қатысып, сөз сөйлейді. Саммиттің мәртебелі қонақтары қатарында Грузияның саяси партиясының көшбасшысы Нино Бурджанадзе болады. «Саммит аясында бірнеше шара өтеді. Мәселен, «Нұрлы жол - жаңа мүмкіншіліктер» халықаралық конференциясында халықаралық интеграция мәселелері талқыланып, Еуропалық қайта құру және даму банкімен арадағы қарым-қатынасты жаңа деңгейге көтерілуі қарастырылады. Өйткені, бұл банк еліміздегі әйелдер кәсіпкерлігін қолдауға 41 млн. доллар бөліп отыр», - деді Р.Сәрсембаева.

Соңғы жаңалықтар