Азиада-2025: Биатлоннан Қазақстан ерлер құрамасы күміс медаль жеңіп алды

ЯБУЛИ.KAZINFORM – Қытайдың Харбин қаласында өтіп жатқан ІХ қысқы Азия ойындарының ерлер арасында биатлоннан жарыстар мәресіне жетті. 

Ерлер арасында 7.5 шақырымға сырғанаудан командалық эстафетада Александр Мухин, Әсет Дүйсенов, Кирилл Бауэр және Владислав Киреев ел құрамасы сапында сынға түсті. 

Жарыс қортындысында жігіттер 1 сағат 25 минут 18.7 секунд нәтиже көрсетіп, мәре сызығын екінші болып кесті.

Жапония құрамасы бізден бір минут бұрын келіп, чемпион болды. Ал Қытай құрамасы қазақстандықтардан 14 секундқа кешігіп, қола медалді еншіледі.

Айта кетерлігі, бұл - Қазақстан делегациясының Харбин қысқы Азия ойындарындағы сегізінші күміс жүлдесі.

Осыған дейін биатлоннан қазақстандық қыздар командалық эстафетада қола медаль еншілеген болатын.