Азиада-2025: Қазақстан қоржынына екінші алтын медаль түсті
ЯБУЛИ.KAZINFORM – Қазақстандық спортшылар ІХ қысқы Азия ойындарының фристайл-акробатика сынында үздік нәтиже тіркеп, жеңіс тұғырына көтерілді.
Отандастарымыз Шерзод Хаширбаев және Роман Иванов фристайл-акробатикадан ерлер арасында синхронды секіру сынында 97.92 ұпай жинап, алтын медаль еншіледі.
Қытайлық спортшылар күміс және қола медалды өзара бөлісті.
Тағы бір қазақстандық жұп Дінмұхаммед Райымқұлов және Асылхан Асан 83.96 ұпай еншілеп, төртінші орынан көрінді.
Айта кетерлігі, бұл — Қазақстан делегациясының Харбин қысқы Азия ойындарындағы екінші алтын медалі.
Бұған дейін Ардана Маханова және Аяна Жолдас фристайл-акробатикадан әйелдер арасында синхронды секіру сынында қола жүлде жеңіп алған еді.
Кеше қазақстандық спортшылар аралас командалар арасындағы сайыста күміс жүлде еншіледі.
Бас серіктес – «Самұрық Қазына» ҰӘҚ» АҚ
Серіктес – Sport Qory спортты қолдау қоры
