Азиада-2025: Қазақстандық спортшылардың бүгінгі нәтижесі

ХАРБИН. KAZINFORM — 12 қаңтар, Қытайдың Харбин қаласында өтіп жатқан ІХ қысқы Азия ойындары ашылу салтанатынан кейінгі бесінші жарыс күнін аяқтады. 

Бүгін, Ябули тау-шаңғы курортында өткен бәсекелердің қорытындысы бойынша ел қоржыны екі медальмен толықты.

Нақтырақ айтсақ, шаңғы спортынан әйелдер арасында командалық эстафетада спортшыларымыз күміс алды. Жарыс жолына Камила Елғазинова, Ксения Шалыгина, Ангелина Шурыга мен Надежда Степашкина шықты. 

Ал жігіттер 7.5 шақырымдық эстафетада қола жүлдені қанжығаға байлады. Жарыс жолына қазақстандық спортшылардан Олжас Климин, Владислав Ковалев, Константин Борцов және Наиль Башмаков шықты. 

Сонымен қатар, ски-альпинизм додасы бойынша жұлде бұйырмады.

Харбинде өткен мұз спорты бойынша тек мәнерлеп сырғанаудан аралас жұптар арасында жүлделер сарапқа салынды. Өкінішке қарай қазақстандық жұп Байсанғұр Датиев және Гаухар Наурызова бесінші орын алды.

Хоккейден әйелдер арасында А тобының алғашқы ойынында, қазақстандық қыздар жапонияға есе жіберді, есеп 0:4. 

Керлингтен қыздар құрамасы бүгін екі матч өткізді. Алғашқы ойында, қыздарымыз Оңтүстік Кореяға 2:8 есебімен жеңілді. Ал Тайланд құрамасына қарсы ойында 9:1 есебімен жеңіске жетті.

Қазақстан ерлер құрамасы Қырғызстанды 6:3 есебімен қапы қалдырды.

Осылайша, Қазақстан делегациясының медальдар саны 15-ке (3 алтын, 7 күміс және 5 қола) жетіп, жалпы есепте 4-орында келе жатыр.