Азия чемпионаты: 10 сәуірде ел құрамасынан бес боксшы финалда сынға түседі
АСТАНА. KAZINFORM - Моңғолия астанасы Ұланбатыр қаласында өтіп жатқан World Boxing аясындағы 2026 жылғы Азия чемпионатында бүгін, 10 сәуірде финалда ел құрамасынан кімдер шаршы алаңға шығатыны белгілі болды.
Бұл күні еліміздің ерлер құрамасынан бес боксшы алтын медальды сарапқа салады. Олардың қатарында Оразбек Асылқұлов, Төрехан Сабырхан, Сабыржан Аққалықов, Нұрбек Оралбай, Айбек Оралбай бар.
Күндізгі сессия, 10:00
3-жұп. 60 келі. Оразбек Асылқұлов - Сачин Сачин (Үндістан)
5-жұп. 70 келі. Төрехан Сабырхан - Зейад Ишаиш (Иордания)
6-жұп. 75 келі. Сабыржан Аққалықов - Жавохир Абдурахимов (Өзбекстан)
8-жұп. 85 келі. Нұрбек Оралбай - Жасурбек Юлдошев (Өзбекстан)
10-жұп. 90 келіден жоғары. Айбек Оралбай - Данабек Байкенже (Қытай).
Ал еліміздің әйелдер құрамасы құрлықтық додада 2 алтын, 1 күміс, 2 қола жүлдеге қол жеткізді.
Беделді бәсекеде Надежда Рябец (80 келі), Дина Исламбекова (80 келіден жоғары) Азия чемпионы атанса, Бақыт Сейдіш (70 келі) күміс жүлдегер болды.
Сондай-ақ Әйгерім Сәттібаева (48 келі), Валентина Хальзова (70 келі) үздік үштікті түйіндеді.
Еліміздің әйелдер құрамасы медальдар саны жөнінен екінші орынға тұрақтады. Көш басында тұрған Үндістанның 4 алтын, 2 күміс, 4 қола медалі бар.
