БАҚ: Қанат Исламның жанкүйерлері Кирклендпен өтетін айқастан зор әсер алады

АСТАНА. ҚазАқпарат - Roundbyroundboxing.com сайты қазақстандық боксшы Қанат Исламның (24-0, 19 КО) жанкүйерлеріне ұнайтын қасиетін атап өтті, деп хабарлайды Sports.kz.

«Ислам Гонсалеспен болған айқаста бұрын көрген нәрсені көрсетті: ол қорғаныстан қам жемей, үнемі шабуыл жасады. Оның бұл қасиеті Кирклендпен өтетін айқаста жанкүйерлерінің орнынан тұрып, оған жақтасуына ықпал етеді», - деп жазды басылым.

Еске салайық, 27 мамыр күні Ислам мексикалық Норберто Гонсалесті (23-9, 13 КО) жеңіп, бірінші орта салмақтағы WBO NABA және WBA Intercontinental титулдарын иеленді. Қазақстандықтың келесі қарсыласы америкалық боксшы Джеймс Киркленд (32-2, 28 КО) болады деп күтілуде. Жекпе-жек 9 қыркүйек күні Астанада өтеді.