Бала тәрбиесі ? ата-ананың міндеті

АҚТАУ. Ақпанның 26-сы. ҚазАқпарат /Жетібай Шаханұлы/ - Ақтау қаласында ата-аналық құқығынан айыру фактілері жылдан жылға өсіп отыр. Өткен жылы 34 азамат баласын бағып-қағу құқынан айрылған.

Бұл Ақтау сынды шағын қала үшін тым жоғары көрсеткіш. Инспекторлар бұл жағдайдың бір жылдың ішінде үш жылдық деңгейге жеткеніне алаңдап, дабыл қағып отыр, деп хабарлайды ҚазАқпарат тілшісі.Облыста ата-ана қарауынсыз қалғандар Ақтаудағы сәбилер үйі мен Жаңаөзен қаласындағы балалар үйін паналайды. Бесіктен белі шықпай жатып, тірі жетім атанған балалар Ақтаудағы сәбилер үйіне келіп түседі. Бірін ? анасы аштан қатырмақ болса, енді бірін далаға қаңғыртып жіберген. Балаларды тауып алып, тиісті орындарға тапсыру ? инспекторлардың тікелей міндеті. Ата-ананың қамқорлығынсыз қалған балалар санының артып отырған себебін құқық қорғаушылар олардың әке ? шешелерінің жауапсыздығынан көреді.«Шын мәнінде, бала тәрбиесі ата-анаға жүктелуі тиіс. Бейберекет жүрген әр ата?анаға, әр балаға жекелеген инспектор қою мүмкін емес. Сондықтан баланың өміріне қандай да бір қауіп төнетін болса,ең алдымен ата ? анасын жауапқа тарту қажет»,- дейді Ақтау қалалық ІІБ ? ның кәмелетке толмағандар ісі жөніндегі аға инспекторы Инна Шваб. Осыдан бірнеше жыл бұрын бүкіл қаланы дүрліктірген оқиға болған. Өзінің 5 жасар баласын ұрып ? соғып, қабырғасын сындырып, басын жарған әйел ата?аналық құқығынан айрылған болатын. Баланың бар жазығы ? қарны ашқандықтан, онсыз да бос тұрған тоңазытқышты сұраусыз ашқандығы.