«Балалар шығармашылығы» атты жаңа жұрналдың алғашқы саны жарық көрді

деп хабарлайды ҚазАқпарат. Жұрналдың бас редакторы Әділбек Жақыптың айтуынша, аталмыш басылымның құрылтайшысы «Парыз» қоғамдық қоры. Екі айда бір шығатын жұрналдың таралымы 1 мың 500 дана. «Жұрнал негізінен бүлдіршіндер мен мүмкіндігі шектеулі балаларға арналып басылатын болады. Ал ерекшелігіне тоқталсақ, онда балалардың өздері жазған көркем-әдеби шығармалары, ертегілері, өлеңдері, әңгімелері жарық көреді. Сондай-ақ жас оқырман балалардың мәдениет, өнер, спорт, білім салаларында жеткен жетістіктерінен де хабардар болады»,- дейді Ә. Жақып. Оның сөзіне қарағанда, жұрналда жарияланған дарынды балалардың еңбектерін кейіннен топтап, кітапша түрінде басып шығару жоспарланып отыр.