08:31, 23 Желтоқсан 2016 | GMT +5
Балықтар күре жолды кесіп өтіп жатыр
АСТАНА. ҚазАқпарат -Вашингтон штатында орналасқан Скокомиш (Skokomish) өзені арнасынан жиі асады. Әсіресе, кеталардың уылдырық шашу науқанымен тұспа-тұс келсе, балықтар күре жолдың үстінен өтіп жатады.

Кета (Oncorhynchus keta) өмірінде бір-ақ рет көбейеді, бұл кезең күздің соңғы айынан желтоқсанның соңына дейін жалғасады. Ол өзен ағысымен жүздеген шақырымға дейін жоғары жүзе алады. Америкалық Скокомиш өзенінде өмір сүретін балықтардың көбею кезеңі ұзақ мерзімге созылатын жаңбырмен тұспа-тұс келеді және өзен тасиды. Осылайша, балық көлік жолына шығып кетеді.
Бұл жыл сайын болатын қайталанып жататын құбылыс, десе де Вашингтон штатында кетаның саны жеткілікті және қауіпті сапар да олардың көбеюіне кедергі келтіре алмайды.