Банктер фермерлердің ақшасын өз мүддесі үшін пайдаланып жатыр - депутат В.Косарев

АСТАНА. 12 қараша. ҚазАқпарат - Бүгінде банктер фермерлердің ақшасын айналымға салып, өз мүддесі үшін пайдаланып жатыр. Бұл туралы ҚР Президенті жанындағы Орталық коммуникациялар қызметінде өткен брифингте Парламент Мәжілісінің депутаты, «Халықтық коммунистер» фракциясының жетекшісі Владислав Косарев мәлім етті.

Оның айтуынша, бүгінде фермерлер өз өнімінен түскен табысты көре алмай отыр. «Ол ақшаны банктер айналымға салып, пайдаланып жатыр. Ал шаруалар болса, сол ақшаны дотация (қайырымдылық - авт.) ретінде сұрауға мәжбүр. Ол дұрыс емес. Ауыл шаруашылығы өнімдерін өндірушілер өз табыстарын көре білуі керек. Соған сай жағдай жасалуы шарт», - дейді В.Косарев.