Барак Обама Азия елдеріне сапармен аттанды
АСТАНА. Қарашаның 12-сі. ҚазАқпарат - Барак Обама бейсенбі күні Азия елдеріне бірапталық сапармен аттанды, деп хабарлайды «Азаттық» радиосы.
Америка Президенті алдымен Жапония премьері Юкио Хатоямамен келіссөз өткізбек. Тараптар қауіпсіздік мәселелері мен әскери ынтымақтастық мәселелерін, сондай-ақ энергетика және экология салаларындағы проблемаларды талқылайды деп күтілуде.
Сапар барысында Обама сондай-ақ, Сингапур, Қытай және Оңтүстік Корея елдеріне ат басын тірейді.
