Бастауыш сынып оқушыларын энтеробиозға тексеру тек клиникалық белгілер болса ғана алынады - комитет
НҰР-СҰЛТАН. ҚазАқпарат – Санитариялық-эпидемиологиялық бақылау комитеті жазғы демалыстан кейін бастауыш сынып оқушыларынан энтеробиозға қатысты тексеру жүргізу туралы мәлімдеме таратты, деп хабарлайды ҚазАқпарат.
«ҚР Денсаулық сақтау министрінің 2022 жылғы 16 мамырдағы бұйрығына сәйкес жазғы демалыстан кейін энтеробиозға тексерілуге тек эпидемиологиялық (энтеробиозбен сырқат науқаспен қарым-қатынаста болған) және клиникалық көрсеткіш (энтеробиозды жоққа шығармайтын ауру белгілерінің болуы) бойынша оқушылар алынады», - делінген хабарламада.
