23:15, 20 Сәуір 2024 | GMT +5
Батыс Қазақстанда 11 ауылға Жайықтан қатер төніп тұр
ОРАЛ. KAZINFORM - Батыс Қазақстан облысының 11 елді мекені Жайық өзеніндегі су деңгейінің көтерілуіне байланысты қауіпті аймақта орналасқан.
Осыған байланысты Төтенше жағдай министрі Шыңғыс Әрінов өңірде екі тәулік бойы әр ауылға барып, үйінді бөгеттердің жай-күйін тексерді.
Күні бойы ведомство басшысы Бөрлі, Январцево, Рубежинское, Озерное, Володарское, Байқоныс, Жайық және басқа ауылдарда болды.
Айта кетейік, су тасқыны кезеңі басталғаннан бері өңірде 100 шақырымнан астам қорғаныс бөгеті салынды.
