Батыс Қазақстан облысында жел күшейіп, күн суытады
ОРАЛ. 1 ақпан. ҚазАқпарат /Елжан Ералы/ - Батыс Қазақстан облысында 2 ақпан күні шығыстан соққан желдің жылдамдығы секундына 15-20, кей жерлерде 25 метрге дейін жететіндігі хабарланды.
Осыған орай облыстық төтенше жағдайлар департаменті кәсіпорындар мен ұйымдар басшыларына, өңір тұрғындарына ауа райының өзгеруіне әзір болу керектігін ескертті. Әсіресе, өмірлік маңызы зор нысандардың үздіксіз жұмыс істеуі қамтамасыз етілуі шарт.
Сондай-ақ синоптиктер облыста аяздың қатая түсетіндігін де айтып отыр.
