Батыс Қазақстанда 79,2 млрд. теңгенің құрылыс жұмыстары атқарылды

Облыстық статистика департаментінен хабарлағанындай, бұл 2009 жылғыдан 17,3 пайызға көп. Республика құрылыс жұмыстарындағы БҚО үлесі 4,1 пайызды құрады.

Құрылыс жұмыстарының 46,5 пайызы Бөрлі ауданында орындалса, 14,7 пайызы Зеленовтің, 24,5 пайызы Орал қаласының үлесіне тиеді.

Бір жыл ішінде өңірде 1697 жаңа ғимарат іске қосылды. Соның ішінде 8 денсаулық сақтау, 10 білім беру, 1 мәдениет нысаны пайдалануға берілді.