Батыс Қазақстанда әділет департаментінің басшысы ауысты

ОРАЛ. Ақпанның 26-сы. ҚазАқпарат /Ғайсағали Ералы/ - ҚР Әділет министрлігі жауапты хатшысының бұйрығымен ротация тәртібімен Бақытбек Ерғалиев Батыс Қазақстан облысы әділет департаментінің бастығы болып тағайындалды,

деп хабарлайды ҚазАқпарат тілшісі. 1954 жылы дүниеге келген Б.Ерғалиевтің мамандығы ? заңгер. Еңбек жолын Қызылорда облысында бастап, облыс прокурорының бірінші орынбасарлығына дейін көтерілген ол содан соң Атырау, Оңтүстік Қазақстан облыстарының прокуроры болды. Соңғы бес жылда Қызылорда облыстық әділет департаментін басқарды.