Батыс Қазақстанда бір қызметкердің орташа жалақысы 79530 теңгеге жетті

ОРАЛ. Шілденің 13-і. ҚазАқпарат /Елжан Ералы/ - Батыс Қазақстан облысында бір қызметкердің орташа айлық жалақысы 79530 теңгеге жетті.

Облыстық статистика департаментінен түскен мәліметке қарағанда, жалақы деңгейі әкімшілік және қосалқы қызмет көрсету саласында өте жоғары - 243,4 мың теңге, бұл орташа облыстық көрсеткіштен 3,1 есеге көп. Құрылыста - 162,5 мың теңге, өнеркәсіпте - 110,4 мың теңге, бұларда сәйкесінше 2,0 және 1,4 есеге жоғары.

Ең төменгі еңбекақы ауыл, орман және балық шаруашылығында, мұнда облыстық орта көрсеткіштің 45,6 пайызын құрайды.

Бөрлі ауданында еңбекақы 191,4 мың теңгеге жетіп, облыстық көрсеткіштен 2,4 есеге асып түссе, Оралда - 63,8 мың теңге.