Батыс Қазақстанда кейбір жұқпалы дерттер өршіп кетіп отыр

деп хабарлайды ҚазАқпарат облыстық статистика департаментінен түскен мәліметке сілтеме жасап. Өткен жылы ЖҚТҚ ауруына екі адам шалдықса, ВИЧ-инфекциясын жұқтырғандар саны 46-ға жетіп, 2007 жылғыдан 2,3 есеге көбейді. Өңірде сондай-ақ геморрагиялық безгек ауруымен 30 адам науқастанса, соның сегізі желтоқсан айының үлесіне тиеді. Облыстың бес ауданы мен Орал қаласында 26 бруцеллез (2007 жылы ? 18), 2116 қызамық (247) дерті тіркелді. Сол секілді бактериялы дизентерия ? 19 пайызға, ротавирусты энтерит 1,7 есеге өссе, туберкулез ? 11,9, жұқпалы жоғары тыныс жолдары ауруы 11 пайызға азайды.