Батыс Қазақстанда күн райы бұзылып, күшті жел тұрады
ОРАЛ. 29 мамыр. ҚазАқпарат - Батыс Қазақстан облысында «Қазгидромет» РМК Батыс Қазақстан орталығының мәліметіне сәйкес 30 мамыр күні күн райы бұзылмақ.
Облыстың кей жерлерінде дауыл тұрып, найзағай ойнайды. Шығыстан соққан желдің жылдамдығы секундына 15-20 метрге, екпіні 25 метрге дейін жетеді.
Осыған байланысты БҚО төтенше жағдайлар департаменті тиісті мекемелерге төтенше жағдайлардың алдын алу бағытында шаралар алу қажеттігі жөнінде ескерту жасады.
