Батыс Қазақстанда қылмыстық істерді қарайтын мамандандырылған сот құрылды
ОРАЛ. Қаңтардың 6-сы. ҚазАқпарат /Елжан Ералы/ - Қазақстан Республикасы Президентінің 2009 жылғы желтоқсанның 29-ындағы «Қазақстан Республикасының кейбір мамандандырылған соттарын құру және тарату туралы» № 910 Жарлығына байланысты Батыс Қазақстан облысында қылмыстық істер жөніндегі мамандандырылған ауданаралық сот құрылды.
Бұл туралы ҚазАқпарат тілшісіне облыстық соттың баспасөз қызметінен хабарлады. Жарлық биылғы қаңтардың 1-інен бастап күшіне енуіне байланысты қылмыстық істер жөніндегі мамандандырылған сот өз қызметіне кірісті.
