Батыс Қазақстанда өзен көлігімен 47 мың тонна жүк тасымалданып, 1,8 есеге көбейді
ОРАЛ. 19 маусым. ҚазАқпарат - Батыс Қазақстан облысында өзен көлігі жүре бастағалы бері 47 мың тонна жүк тасымалданды, бұл өткен жылғыдан 1,8 есеге артық.
Облыстық статистика департаментінен хабарлағанындай, жүк айналымы көлемі 282,0 мың тонна/шақырымға жетіп, 2,2 есеге асып түсті.
Саяжайларға 7,4 мың адам жеткізіліп, жолаушы айналымы 257,2 мың жолаушы/шақырымды құрады.
Жыл басынан бері автомобиль көлігімен 12,7 млн. тонна жүк тасымалданып, жүк айналымы 752,9 млн. тонна/шақырымды құрады. Осы кезеңде 163,7 млн. жолаушы діттеген жеріне жеткізілді, бұл өткен жылғыдан 27,1 пайызға көп. Жолаушы айналымы 16,3 пайызға өсіп, 2602,8 млн. жолаушы/шақырымға жетті.
