Батысқазақстандық өрт сөндірушілер екінші жыл қатарынан елде үздік атанып отыр

ОРАЛ. 25 қаңтар. ҚазАқпарат /Елжан Ералы/ - БҚО төтенше жағдайлар департаментінің қызметкерлері өрт-құтқару спортынан екінші жыл қатарынан үздік атанып отыр.

Батысқазақстандық өрт сөндірушілер жазғы және қысқы спартакиадада Шығыс Қазақстан және Алматы облысындағы әріптестерін артта қалдырып, көш басынан көрінді.

Спортшыларды облыстық төтенше жағдайлар департаментінің бастығы Қадыр Бисембаев құттықтап, команда бапкері Ерген Бөрекешевке кубокті табыс етті.