Байқоңырда аквапарк ашылады

ҚЫЗЫЛОРДА. Қаңтардың 20-сы. ҚазАқпарат /Руслан Игілік/ – Алдағы жазда Байқоңырда Сырдария өзені жағасынан жаздық бассейн мен арнайы ойын алаңдарымен жабдықталған аквапарк ашу қолға алынбақшы,

деп хабарлайды ҚазАқпарат тілшісі.Бұл он жылдан бері тұрмыстық техникаларды жөндеумен айналысып, осы бағытта сан түрлі қызмет көрсететін "Ремсервис" орталығының директоры, байқоңырлық кәсіпкер Юрий Шимоновтың басты жоспары. Ғарыш кешені тарихында тұңғыш рет қолға алынған жаңа жобаның үлгісін жергілікті атқару билігіндегі сарапшы мамандар қарауына ұсынған ол құрылыс жұмыстарына кірісуге дайын.