Байқоңырда ғарыш кемесі техникалық ақауға байланысты ұшпай қалды
БАЙҚОҢЫР. ҚазАқпарат - «Прогресс МС-07» жүк кемесі бар «Союз 2.1а» зымыран тасығышы техникалық ақаулыққа байланысты ұшырылмай қалды, деп хабарлайды ҚазАқпарат тілшісі.
«12 қазанда Байқоңырдан ұшырылуы тиіс «Прогресс МС-07» кемесі автоматиканың істен шығу салдарынан сапарын шегерді. Оның себебін мемлекеттік комиссия анықтаған», - деді РФ вице-премьері Дмитрий Рогозин журналистерге.
Соңғы уақытта Роскосмос Байқоңыр ғарыш айлағының ұшырымдарын онлайн режимде көрсетіп жүр. Ұшырылым жоспар бойынша жүріп жатты. Соңғы сәтте репортаж жүргізуші «Прогресс МС-07» кемесін ұшыру 14 қазанға ауыстырылғандығын хабарлады.
