Бектенов халықаралық ұйымдар басшылығымен спортты дамыту мәселелерін талқылады
АСТАНА. KAZINFORM — ҚР Премьер-министрі Олжас Бектенов халықаралық спорт ұйымдарының басшыларымен кездесу өткізді, деп хабарлайды Үкіметтің баспасөз қызметі.
Кездесуге Ұлттық Олимпиада комитеттері қауымдастығының және Қатар Олимпиада комитетінің вице-президенті Шейх Джоан Бин Хамад Бин Халифа Әл-Тани, Азия және World Aquatics Олимпиада Кеңесінің бас директоры Хусейн әл-Мусаллам, Қатар Ұлттық Олимпиада комитетінің вице-президенті Тани Абдулрахман Әл-Каууари қатысты.
Халықаралық спорттық ынтымақтастықты дамыту, олимпиадалық қозғалысты қолдау және кәсіби әрі бұқаралық спортты дамыту үшін жағдай жасау мәселелері талқыланды.
Қазақстанның халықаралық спорт ұйымдарымен спортшыларды даярлау және бірлескен оқу-жаттығу жиындарын өткізу, спорттық инфрақұрылымды жаңғырту, су спорт түрлерін дамытудағы өзара іс-қимылды кеңейту бөлігінде ынтымақтастығының перспективалары қаралды.
Спорттық кооперация бұқаралық спортты насихаттауда маңызды рөл атқаратыны атап өтілді.
Осыдан бұрын ҚР Премьер-Министрі Олжас Бектенов мемлекет пен банк секторының өзара іс-қимылын жоғары бағалады.
