Белгілі жазушы М.Есламғалиұлының жинағы жарық көрді

ОРАЛ. Шілденің 13-і. ҚазАқпарат /Ғайсағали Ералы/ - Орал қаласындағы «Ағартушы» баспасынан белгілі жазушы, халықаралық «Алаш» сыйлығының лауреаты, марқұм Мұқадес Есламғалиұлының «Дүбірлі дала» атты кітабы жарық көрді,

 деп хабарлайды ҚазАқпарат тілшісі.

Бұл - «Ақ Жайық қаламгерлерінің кітапханасы» сериясымен басылған екінші жинақ. М.Есламғалиұлының бұл кітабына әр жылдары жазылған шығармалары таңдалып алынған. «Зерлі тон», «Көкжиектің ар жағында» атты повестері көркемдігімен баураса, «Ит атушы», «Жұмбақ жан» әңгімелері тақырыбының сонылығымен, ой тереңдігімен ерекшеленеді.

Таяуда аталмыш сериямен өмірден ерте кеткен талантты ақын Сағат Әбдуғалиевтің, оралдық қаламгер Алексей Святыниннің шығармалары басылмақ.