Бейбітшілік саласындағы Нобель сыйлығын 31 жылға сотталып, түрмеде отырған Наргиз Мохаммади алды

Бейбітшілік саласындағы 2023 жылғы Нобель сыйлығы ирандық құқық қорғаушы Наргиз Мохаммадиге бұйырды. ҚазАқпарат бұл туралы Еuronews агенттігіне сілтеме жасап хабарлайды. 

Наргиз Мохаммади – әйелдер құқығын қорғау және өлім жазасын алып тастауды жақтаушылардың бірі.

Ол Иранда бірнеше рет қамауға алынып, қазіргі кезде «мемлекетке қарсы үгіт-насихат жүргізді» деген айыппен ұзақ мерзімге сотталып, түрмеде жазасын өтеп жатыр. 

Мохаммади – 2003 жылғы Нобель бейбітшілік сыйлығының лауреаты Ширин Эбади басқаратын адам құқықтарын қорғау орталығы директорының орынбасары.

Ол сондай-ақ Ирандағы ұлттық бейбітшілік кеңесінің атқарушы комитетінің төрайымы болып сайланды.