Бейсенбіде Қазақстанның бірқатар өңірінде қар жауады, жел күшейіп, тұман түседі

АСТАНА. ҚазАқпарат - Республиканың батысында, солтүстік-батысында циклон және фронтальды бөліктердің өтуіне байланысты кей жерлерде жауын-шашын (жаңбыр, қар), кей жерлерінде тұман, көктайғақ, желдің күшеюі, бұрқасын күтіледі.

Қазақстаның қалған аумағында жауын-шашынсыз ауа-райы сақталады, деп хабарлайды Қазгидромет.

Ақтөбе, Қостанай облыстарының кей жерлерінде тұман, көктайғақ, бұрқасынмен бірге желдің 15-20 м/с күшеюі күтіледі.

Маңғыстау, Батыс Қазақстан облыстарының кей жерлерінде тұман түседі, көктайғақ, желдің жылдамдығы 15-20 м/с.-ке жетуі ықтимал.

Атырау облысының кей жерлерінде көктайғақ болады, жел күшейіп, екпіні - 15-20 м/с.-ге жетеді Алматы облысының Жалаңашкөл ауданында күндіз 15-20 м/с жылдамдықпен жел тұрады.

Ақмола, Павлодар, Солтүстік Қазақстан, Қарағанды, Шығыс Қазақстан, түнде Оңтүстік Қазақстан облыстарының кей жерлерінде тұман күтіледі.

Қызылорда облысының кей жерлерінде күндіз жел 15-20 м/с күшейеді.

Жамбыл облысының кей жерлерінде тұман түсіп, күндіз желдің жылдамдығы 15-20 м/с-ге жетуі мүмкін.