Биатлоннан әлем кубогының кезеңі: спринтте кімдер бақ сынайды

АСТАНА. KAZINFORM – 12 наурызда Эстонияның Отепя қаласында биатлоннан Әлем кубогының кезеңі басталады.

Халықаралық турнир аясындағы алғашқы жарыс – ерлер арасындағы спринт болмақ.

Бұл бағдарламада Қазақстан құрамасы сапынан үш спортшы сынға түседі. Владислав Киреев, Әсет Дүйсенов және Александр Мухин жарыс жолына шығады.

Спорттық бәсеке Астана уақытымен 19:15-те басталады.

Айта кетсек, бұған дейін қазақстандық биатлоншылар Эстонияда әлем кубогы кезеңіне қатысатынын жазғанбыз.