Бибісара Асаубаева Үндістандағы турнирдің 9-турынан кейін бірінші орында келеді

НЬЮ-ДЕЛИ. ҚазАқпарат - Үндістанның Нью-Дели қаласында әйелдер арасындағы ФИДЕ Гран-приінің 9-шы раундының барлық ойындары аяқталды, деп хабарлайды ҚазАқпарат championat.com ресурсына сілтеме жасап.

Жарыстың көшбасшысы - қазақстандық Бибісара Асаубаева грузиялық Нана Дзагнидземен тең түсті.

Сондай-ақ, үндістандық Рамешбабу Вайшали мен Хампи Конеру арасында өткен ойында кім мықты екені анықталмады.

Ресейлік Александра Горячкина ақ фигуралармен үндістандық Харика Дронаваллиді жеңді.

Тағы бір ресейлік шахматшы Полина Шувалова грузиялық Нино Бациашвилиден жеңіліп қалды.

9-турдан кейін қатысушылардың позициясы:

1. Асаубаева Бибісара – 8 ұпайдан 5,5 ұпай.

2. Александра Горячкина – 7-ден 5.

3. Чжу Цзиньэр – 7-ден 4,5.

4. Екатерина Лагно – 7-ден 4.

5–6. Полина Шувалова, Хампи Конеру – 7-ден 3,5.

7. Харика Дронавалли – 7-ден 3.

8. Нино Бациашвили – 7-ден 2,5.

9. Нана Дзагнидзе – 8-ден 2,5.

10. Рамешбабу Вайшали - 7-ден 2.

Бибісара турнирде бір-ақ рет Александра Горячкинадан жеңілген еді, турнирлік кестеде осы спортшыдан жарты ұпай алда келеді.

Бұл ретте қазақстандық шахматшының алда бір матчы бар, ресейлік шахматшы әлі екі матч өткізеді.

Турнир 5 сәуірде аяқталады, деп хабарлайды «Шредингер спорты» Telegram арнасынан.