Биыл Павлодар облысында 33 мың гектардан астам лиман суландырылды
ПАВЛОДАР. KAZINFORM – Шідерті лиманды суару жүйесі арқылы жүргізілген экологиялық су жіберулер аясында «Қазсушар» РМК Павлодар филиалы Екібастұз қаласының ауылдық аумағында, атап айтқанда Екібастұз, Ақкөл және Сарықамыс ауылдық округтерінде, сондай-ақ Ақтоғай ауданындағы Жолболды, Басқамыс және Жалаулы ауылдық округтерінде 21 000 гектардан астам жерді суландырды. Бұл туралы Су ресурстары және ирригация министрлігі мәлімдеді.
Су жіберу сонымен қатар Павлодар облысындағы Әулиекөл көлдер жүйесін, Басентин және Шығанақ көлдерін толтыруға бағытталды. Жоғарғы Ертіс су қоймалары каскадынан су жіберу аясында Қолыбаев массивінде Қазан, Саты және Малайсары ауылдық округтерінің аумағындағы шамамен 12 240 гектар лиман суландырылды.
– Павлодар облысындағы «Қазсушар» филиалы жыл сайын экожүйені сақтау мақсатында экологиялық су жіберулер жүргізеді. Бұл өңірдің қоршаған ортасы мен биологиялық әртүрлілігін сақтауға, ауыл шаруашылығы, мал шаруашылығы және облыс экономикасының дамуына ықпал етеді. Мұның бәрі жергілікті халықтың әл-ауқатына оң әсерін тигізеді, – деді Павлодар облысының «Қазсушар» филиалы директоры Арман Оспанов.
Айта кетейік, жұмысына салғырт қараған «Қазсушар» филиалдарының басшылары жазаланды.
Қазақстандық археологтар Павлодар облысынан сақ дәуіріне тиесілі қола пышақтар тапты.
