Биыл ҚР Қарулы Күштері әскери қызметшілері парашютпен секіруден рекорд орнатты
АСТАНА. ҚазАқпарат - Биыл Аэроұтқыр әскерлердің әскери қызметшілері 7000-нан астам парашютпен секіру жасады.
«Бұл осы әскер түрі құрылған 2000 жылдан бергі көрсеткішердің рекордтық мөлшері болып табылады. Секіру нормативтерін орындай отырып Десантшылар, жыл сайын олардың санын 500-600-ге арттырып, суға секіруге, түнгі жағдайда секіруге машықтану деңгейін жетілдіріп келеді. Үздік әскери қызметшілер Аэроұтқыр әскерлерінің біріккен парашюттік ротасы мен шабуыл тобының құрамына енді», - делінген ҚР Қорғаныс министрлігінің мәліметінде.
Десантшылар өз мүмкіндіктерін Спасск полигонындағы (Қарағанды облысы) «Өзара іс-қимыл-2014», «Чжужихе» полигонындағы (ҚХР) «Бейбіт миссия-2014» оқу-жаттығулары барысында, сондай-ақ ҚР Ішкі істер министрлігі мен Ұлттық қауіпсіздік комитеті арнайы бөлімшелерімен бірлескен жиындық іс-шараларда табысты көрсете білді.
