Біздер Қазақстанда - бейбіт, бірақ әскери қуатты мемлекетте тұратынымызды мақтан тұтамыз - тараздық ардагер

ТАРАЗ. Тамыздың 30-ы. ҚазАқпарат /Галина Скрипник/ - Бүгін Таразда «Оңтүстік» аймақтық құрылымы бөлімшелерінің Конституция күніне арналған әскери шеруі өтті.

«Қазақстан тәуелсіздік алған уақыттан бері небәрі 17 жыл ғана өтсе де және барынша қысқа уақыт ішінде біздің еліміз егеменді, дербес, тәуелсіз мемлекеттің барлық нышандарына ие болды, - дейді Тараз қаласының тұрғыны, Ұлы Отан соғысының ардагері, қазақстандық спорттың және педагогика саласының ардагері Давид Евсеевич Уршанский. - Енді біздің Конституция күні деп аталатын ресми мерекеміз бар. Біздер Қарулы Күштеріміздің, әскеріміздің, полициямыздың және әскериленген ведомстваларымыздың қалай дамып жатқанын іс жүзінде көре аламыз.

Біздер Қазақстанда - бейбіт, бірақ әскери қуатты, заманауи әскермен қорғалған мемлекетте тұратынымызды мақтан тұтамыз», - деді Д.Уршанский.