БҚО-да 10 адам суға батып кетті

ОРАЛ. ҚазАқпарат - Батыс Қазақстан облысында адамдардың суға батып кету оқиғалары жиілеп кетті. БҚО ТЖ департаментінен түскен мәліметке қарағанда, кеше Жаңақала ауданы Жаңақазан ауылында 2002 жылғы ер бала Сарыкөлге батып кеткен

Мұның алдында, яғни 25 мамыр күні Қазталов ауданы Жалпақтал ауылында тұрған 1990 жылғы Т. деген әйел «тілсіз жаудың» құрбаны болды. Марқұм Қараөзеннен өтіп келе жатып, қолдан жасалған қайық аударылған кезде екі кішкентай баласын құтқарып, өзі суға тұншығып қалған.

Сонымен, өңірде мамыр айының өзінде 10 адам суға кетсе, соның алтауы - балалар. Өткен жылы осы мезгілде 8 адам (үшеуі - бала) көз жұмған еді. Қайғылы оқиғалардың басты себебі рұқсат етілмеген жерлерден суға түсу және балалардың бақылаусыз қалуы себеп болып отыр.