БҚО-да аудан әкімдігіндегі төбелес: ауыр жарақат алған ер адам палатаға шығарылды
ОРАЛ. KAZINFORM — Батыс Қазақстан облысында Сырым ауданы әкімдігінде болған төбелесте ауыр жарақат алған ер адамның жағдайы тұрақталды.
БҚО денсаулық сақтау басқармасы баспасөз қызметінің мәлім еткеніндей, осыған дейін шұғыл ота жасалып, Оралдағы қалалық көпбейінді ауруханаға жеткізілген 43 жастағы ер адам жансақтау бөлімінде жатқан еді.
- Қазіргі кезде науқастың жағдайы қалыпқа келді. Ол палатаға бүгін ауыстырылды, - деп хабарлады ведомстводан.
БҚО полиция департаментінің баспасөз қызметі күдіктіге қатысты қозғалған қылмыстық іске байланысты тергеу амалдарының жалғасып жатқанын жеткізді.
Еске сала кетейік, бұдан бұрын БҚО-да аудан әкімдігінде төбелес болып, бір адамның ауыр жарақат алғанын жазған едік.
Сондай-ақ БҚО-да әкімдік ғимаратындағы төбелеске байланысты аппарат басшысы жауап берді.
