БҚО-да аудандық малдәрігерлік стансаларға жаңа автокөліктер берілді
ОРАЛ. 18 желтоқсан. ҚазАқпарат - Тәуелсіздік күніне орай жуырда ауыл шаруашылығы қызметкерлері бас қосып, оларды мерекемен облыс әкімінің орынбасары Серік Сүлеймен құттықтады.
Жиында аталып өтілгеніндей, өңірде ауыл шаруашылығы саласында да табыстар баршылық. Айталық, биылғы он бір айда 79,6 млрд. теңгенің өнімі өндірілді. Әсіресе, дәнді дақылдар өнімі өткен жылғыдан 1,5 есеге артты. Облыста мал басы да өсіп келеді. Ауыл шаруашылығы тауарын өндірушілерге мемлекет тарапынан тиісті қолдау көрсетілуде.
Мерекеге орай сала үздіктері ҚР Ауыл шаруашылығы министрлігінің төсбелгісімен, құрмет грамоталарымен марапатталды. Сондай-ақ 12 аудандық мәлдәрігерлік стансаға жаңа автокөліктер табыс етілді.
