БҚО-да «Халықтың дауысы» іс-шарасына сәйкес ұсыныс-пікірлер жинақталуда

«Нұр Отан» ХДП БҚО филиалы төрағасының орынбасары Абат Шыныбековтің хабарлағанындай, халық көп жиналатын қоғамдық орындарда, теміржол мен автобекет, сауда орталықтарында арнайы жәшіктер орнатылды. Мәселен, қаланың жиырма жерінде, барлық аудан және ауылдық округтер орталықтарында осындай жәшіктер қойылды. Ертең қалада «Әлім» ЖШС, «Жайықжылуқуат» АҚ бастауыш партия ұйымдары жиналыстарында, сондай-ақ ішкі әскерлер үшін қойылатын концертте сауалнамалар таратылады.

Шараны өткізудегі басты мақсат - Елбасы жүргізіп отырған саясатқа, партия атқарып отырған істерге байланысты халықтың ұсыныс-тілегін білу. Екіншіден, кері байланыс орнату арқылы партияның ел ішінде беделін арттыра түсу.

Бұдан бұрын «Отандастар» іс-шарасы кезінде еліміз бойынша 2 млн. астам ұсыныс-тілек жинақталған болатын. Азаматтар тілегі «Нұр Отан» ХДП-ның 2020 жылға дейінгі бағдарламасында көрініс тауып, бірқатары жүзеге асып та үлгерді.