БҚО-да тағы да ұшқышсыз ұшатын аппараттың бөлшектері табылды

ОРАЛ. KAZINFORM - Батыс Қазақстан облысы Жәнібек ауданы Қамысты ауылдық округі аумағында белгісіз ұшқышсыз ұшатын аппараттың бөлшектері табылды.

Түркия, БПЛА
Фото: ҚР Қорғаныс министрлігі

Жәнібек ауданы әкімдігінен түскен мәліметке қарағанда, оқиға 26 наурыз күні аудан орталығынан 55 шақырым қашықтықта болды.

Шамамен сағат 10.30-да аппарат бөлшектері табылғаны жөнінде хабарлама түскен.

- Оқиға орнына аудандық прокуратура, аудандық полиция бөлімінің жедел тергеу және қоршау тобы, төтенше жағдайлар бөлімі, жергілікті атқарушы билік және аудандық шекара басқармасының өкілдері барды. Қазіргі кезде оқиғаның мән-жайы анықталып жатыр, - деп хабарлады ведомстводан.

БҚО полиция департаментінің баспасөз қызметі Жәнібек ауданында ұшқышсыз ұшатын аппараттың бөлшектеріне ұқсас заттың табылуына байланысты тексеру жүргізіліп жатқанын жеткізді.

Бұған дейін осындай оқиғалар Бөкей ордасы ауданы Ұялы, Тасқала ауданы Атамекен және Жәнібек ауданы Ұзынкөл ауылы маңында болған еді.

Еске сала кетейік, бұдан бұрын БҚО-да ұшқышсыз ұшатын аппараттың бөлшектері табылғанын жазған болатынбыз.

 

Соңғы жаңалықтар