БҚО-да ұрланған мұнай тиелген екі «КамАЗ» автокөлігі ұсталды

ОРАЛ. 8 қазан. ҚазАқпарат - Батыс Қазақстан облысы бойынша экономикалық және сыбайлас жемқорлыққа қарсы күрес жөніндегі департамент қызметкерлері құны 5,2 миллион теңге тұратын 51 текше метр мұнай әкетіп бара жатқан екі «КамАЗ» автокөлігін ұстады.

«Жайықмұнай» ЖШС-нің «Чинарево-Белес» магистралды мұнай құбырын тесу жолымен ұрланғаны анықталды.

Аталған факті бойынша К. есімді азаматқа және басқа тұлғаларға қатысты қылмыстық іс қозғалды. К. есімді азамат ҚР Қылмыстық іс жүргізу кодексінің 150-бабына сәйкес қамауға алынды.