Білім гранты иегерлерінің тізімі 7 тамызда жарияланады

АСТАНА. KAZINFORM – Мемлекеттік білім беру гранттары иегерлері 7 тамыз күні белгілі болады. Бұл туралы Ғылым және жоғары білім министрі Саясат Нұрбек мәлім етті.

– Жуырда ғана Мемлекеттік білім беру гранттарын тағайындау жөніндегі республикалық комиссияның отырысы аяқталды. Осыған байланысты көптен күткен мемлекеттік грант иегерлерінің тізімі ертең, 7 тамызда жарияланатынын қуана хабарлаймын, – деді министр.

• Грант иегерлерінің тізімі мына ресми ресурстарда жарияланады:
  https://t.me/SayasatNurbek
• https://t.me/gylym_jogary_bilim
  
• https://www.gov.kz/memleket/entities/sci?lang=kk
• https://testcenter.kz

Еске сала кетейік, 5 тамызда білім беру гранттарын тағайындау жөніндегі республикалық комиссия өз жұмысын аяқтаған болатын.

2025-2026 оқу жылына Қазақстан бойынша 77 мыңнан астам мемлекеттік білім гранты бөлінді.

Айта кетейік, талапкерлерді жоғары оқу орындарына қабылдау процесі 2025 жылғы 25 тамызға дейін аяқталуы тиіс.