БОКС: Мэйуэзер мен Берто 12 қыркүйекте жекпе-жекке шығатын болды

АСТАНА. ҚазАқпарат - Атақты америкалық боксшы Мэйуэзер мен оның отандасы Андре Берто жекпе-жек туралы келісімшартқа қол қойды. Бұл жайлы TMZ. хабарлады.

Порталдың деректеріне қарағанда, тараптар кепіссөзді бірнеше апта бойы жүргізіп, ақырында өзара келісімге келген. 12 раундтық жекпе-жек 12 қыркүйекте Лас-Вегаста (США, Невада штаты) өтетін болды.

Бұл айқас Мэйуэзер үшін Showtime телеарнасымен жасаған келісім аясындағы алты жекпе-жектің соңғысы. Бұдан бұрын ол осы кездесуден соң спорттық жолын аяқтайтындығын мәлімдеген болатын. Соңғы айқасында, яғни 3 мамырда Лас-Вегаста (США, Невада штаты) 66,68 келі салмақта филиппиндік Мэнни Пакьяоны жеңгеннен кейін Мэйуэзер Дүниежүзілік боксшылар ұйымының (WBO), Дүниежүзілік боксшылар қауымдастығының (WBA), Дүниежүзілік боксшылар кеңесінің (WBC) белбеулеріне ие болған еді. Бірақ 7 шілдеде америкалық WBO титулынан айырылды.

Мэйуэзер 48 рет жеңіске жеткен, бірде-бір рет жеңіліп көрмеген. Ал 31 жастағы Бертоның есебінде 30 жеңіс (23 нокаут) үш жеңіліс бар.