Бразилияда кедей-кепшіктерге тегін ұялы телефон таратылмақ
АСТАНА. Қарашаның 12-сі. ҚазАқпарат - Бразилия үкіметі 12 миллион кедей отбасына тегін ұялы телефон таратпақ. Бұл туралы елдің байланыс министрі мәлім етті,
деп хабарлайды «Азаттық» радиосы.
Министрдің айтуынша, қазір үкімет ұялы телефонның ірі операторларымен келіссөз жүргізіп жатыр. Тұрмысы төмен отбасыларына ай сайын телефонмен сөйлесуге 7 реал - бұл шамамен 4 доллар - несие бөлінетін болады.
