Brent мұнайының баррелі 40 долларға өсті
АСТАНА. ҚазАқпарат - Мамыр айының сатып алу бойынша фьючерстерінде Brent маркалы мұнайдың баррелі 40 доллардан асты.
Би-Би-Си агенттігінің хабарлауынша, қазір осы маркалы мұнайдың бағасы барреліне 40 доллардан сәл түскен. Соңғы рет осындай жоғары баға былтыр желтоқсан айының аяғында тіркеліпті.
WTI маркалы мұнайдың бағасы да өсіп келеді. Оны 37 доллардан сатып алуда.
Блумберг агенттігінің мәлімдеуінше, мұнай бағасының өсуі АҚШ-та мұнай ұңғымаларының саны азайғаны жөніндегі мәліметтер жарияланған соң болып отыр.
