Брюссельде «Титаник оның жолаушыларының көзімен» көрмесі ашылады
АСТАНА. ҚазАқпарат - 31 мамыр мен 30 қыркүйек арасында Брюссельдегі әдеттен тыс көрмеге келушілер қайғылы апатқа ұшыраған кеменің жиһаздарымен танысады. Экспозицияға 5500-ге жуық заттар қойылады, олар апатқа ұшыраған кемеден алынған. Жәдігерліктер арасында ыдыс-аяқтармен қатар жақсы сақталған иіссу құтылары да бар, деп хабарлады Euromag.ru.
Әрбір келуші өзін «Титаник» жолаушыларындай сезінеді. Кассада оларға атаулы билеттер беріледі. Көрме басшылығының айтуынша, бұл көрме ойын-сауық орны емес, қаза болғандарды еске түсіруге арналған шара. Бұдан бұрын «Титаниктен» алынған скрипка бәссаудада 1,6 млн. долларға, ал «Титаник» жолаушысының хаты 200 мың долларға сатылғаны хабарланған болатын.
