Брюссельдегі «Бірлік маршына» 15 мыңнан астам адам қатысты (ФОТО)
БРЮССЕЛЬ. ҚазАқпарат - Брюссель орталығында лаңкестік әрекет құрбандарын еске алуға арналған «Бірлік маршы» өтіп жатыр.
Бельгия астанасындағы шеруге 15 мыңнан астам адам қатысты. Олар «Мен- Шарли» (Je Suis Charlie) деген сөз жазылған плакаттарды көтеріп шықты.
Шеруге қатысқан халық негізінен үнсіз жүріп отырды. Тек оқтын-оқтында «Марсельеза» әні шырқалды.
«Бұл акция - француз журналистеріне деген құрметтің белгісі. Біз ешқашан баспасөз бостандығынан және әркімнің өз көзқарасын білдіруінен бас тартпаймыз»,- деді шеруге қатысушы «Бостандық » (Libirtes) плакатын көтерген Даниэль есімді азамат.
Брюссельдегі бұл акция Париждегі шерумен бір уақытта басталды. Лаңкестік әрекеттерден қаза тапқандарды еске алуға арналған м ұндай шаралар Еуропаның көптеген ірі қалаларында өтті.
