Брюссельдегі сот ғимаратында екі адам өлтірілді

АСТАНА. Маусымның 3-і. ҚазАқпарат - Брюссельдегі орталық сот ғимаратында белгісіз ер адам екі адамды атып өлтіріп, оқиға орынынан қашып кеткен. Судья мен тағы бір сот қызметкері қаза тапты, деп хабарлайды РБК.

Оқиға Бельгия астанасының орталығындағы Әділет сарайында (Palais de Justice) болған, деп хабарлайды жергілікті VRT телекомпаниясы. Қылмыскер сот ғимаратынан қашып кеткен және қазір бостандықта жүр.

Кейбір мәліметтер бойынша, қылмыс жасаған адам жаралы. Оның бұл қадамына не себеп болғаны әзірге белгісіз.

Брюссель полициясы бұл оқиғаның мән-жайын әзірге ресми түрде жариялаған жоқ.