Брюссельде есірткі мафиясы қоқан-лоқы жасаған прокурорға арнайы күзет қойылды

АСТАНА. KAZINFORM – Брюссель прокуроры Жюльен Муаниль есірткі саудасымен күрестегі қатаң әрекеттерінен кейін қауіпсіздік шараларын күшейтті.

RTBF радиосының мәліметінше, оған бағытталған қоқан-лоққы «салмақты әрі нақты қауіп» ретінде бағаланған. Осыған байланысты прокурорды жеке күзет пен полиция қызметкерлері тәулік бойы күзетуде.

Муаниль соңғы алты айда астанадағы есірткі таратушыларға қарсы белсенді күрес жүргізіп келеді. Жақында Андерлехт ауданындағы ірі операция кезінде ол мұның «тек бастамасы» екенін атап өткен болатын.

Бұған дейін де ол ұйымдасқан қылмыспен күресіп жүрген кезде бірнеше рет қорғауға алынған.

Ал 2024 жылы Бельгияда қызметтік міндетін атқару кезінде 101 адамға арнайы қорғау берілген.

Айта кетейік, Бельгияда полицейлердің қуғын-сүргінінен кейін 11 жастағы баланың қаза табуы резонанс тудырды.