«БТА Банкі» АҚ акционерлері капиталды арттыру жөнінде шешім қабылдады
АЛМАТЫ. Қаңтардың 30-ы. ҚазАқпарат /Ербол Азанбек / – «БТА Банкі»АҚ-ның капиталы артатын болды.Бұл туралы шешім бүгін банк акционерлерінің жалпы жиналысында қабылданды,
деп хабарлайды ҚазАқпарат «БТА Банкі»АҚ баспасөз қызметіне сілтеме жасап.
Банк капиталын жарияланған 3 088 082 дана жай акцияларды және 1 587 854 артықшылықты акцияларды шығарып, орналастыру арқылы ұлғайтпақ. Бұнымен БТА-ның жарияланған акцияларының жалпы саны 13 146 561 акцияны құрайды, оның ішінде жай акциялар - 11 458 707 дана, артықшылықты акциялар ? 1 687 854 дана болады.
Бұл шешім БТА Тобының Қазақстандағы және сырт елдердегі қаржы нарықтарындағы өз ұстанымдарын әрі қарай дамыту мақсатында қабылданған. Сондай-ақ бұл шешім 2008 жылдың желтоқсан айында ҚР Үкіметі, ҚР Ұлттық Банкі, ҚР Қаржы нарығы мен қаржы ұйымдарын реттеу мен қадағалау агенттігі, «Самұрық-Қазына» ұлттық әл-ауқат қоры» АҚ және «БТА Банкі» АҚ арасында жасалған меморандумға сәйкес қабылданған.
