Бүгін Ақмола облысында бірқатар басқарманың жаңа басшылары тағайындалды
Бүгін облыс әкімі Сергей Кулагиннің төрағалығымен өткен жиында жаңа тағайындалған басқарма басшылары таныстырылды. Атап айтсақ, облыс әкімінің ағымдағы жылғы 13 тамыздағы өкімімен Нұржан Мерекеұлы Мұқанов Ақмола облысы мемелекеттік сәулет-құрылыс бақылау басқармасының басшысы - бас мемлекеттік құрылыс инспекторы болып тағайындалды. Сонымен қатар, облыс әкімінің ағымдағы жылғы 1 қыркүйектегі өкімімен Амангелді Халауденұлы Смаилов Ақмола облысы құрылыс басқармасының басшысы және Марзият Юсуповна Тохаева Ақмола облысы мұрағаттар мен құжаттамалар басқармасының басшысы болып тағайындалды. Сондай-ақ, жиында алдағы жылу беру мауысымына, орақ науқанына дайындық пен бюджет қаржысын игеруге байланысты мәселелер қаралды. Әрбір көтерілген сқрақтар бойынша тиісті сала басшылары мен жауапты мамандарға нақты тапсырмалар жүктелді.